Центарот за развој на Скопски плански регион во соработка со Oпштина Гази Баба и Oпштина Илинден, поддржано од Влада на Република Северна Македонија, започна со изработка на проектот: ‘’Реконструкција на регионалниот пат Хиподром – Илинден’’.

Реконструкцијата ќе опфати обнова на асфалтот во должина од 2 километри, проширување на патот за уште една дополнителна лента и нов тротоар во должина од 2000 метри квадратни.

Со ова ќе се овозможи поголема безбедност како за возачите од една страна, така и за пешаците од друга страна.

Оваа патна делница ги поврзува Oпштина Гази Баба со Oпштина Илинден и Oпштина Арачиново, овозможувајќи сообраќајна поврзаност на новата населба Хиподром II, тренинг кампот на ФК Вардар, спортско рекреативниот центар Хиподром, логистичката и индустриска зона во Илинден, како и индустриската зона Северна заобиколница на потегот од Хиподром до Oпштина Арачиново и Oпштина Илинеден.

[foogallery id=”6411″]